Sot në Pejë u organizua një tryezë diskutimi me temë “Deponia e Mbeturinave në Sferkë të Thatë – Djegia, Menaxhimi, Përgjegjësitë Institucionale, Pasojat dhe Angazhimi i Komunitetit”. Ngjarja u mbajt në Hotel Dukagjini dhe u drejtua nga Organizata Syri i Vizionit, me pjesëmarrjen e kryetarit të Komunës së Pejës, Gazmend Muhaxheri. Qëllimi i tryezës ishte të trajtonte sfidat e menaxhimit të deponisë, efektet negative të djegies së mbeturinave, si dhe përgjegjësitë që kanë institucionet për këtë çështje. Gjithashtu, u diskutua roli i komunitetit në gjetjen e zgjidhjeve dhe angazhimin për të përmirësuar situatën mjedisore në zonë.