Brigada e Zjarrfikësve në Gjakovë ka marrë një donacion të vlefshëm nga partnerë dhe vullnetarë zviceranë, duke shprehur mirënjohje të thellë për mbështetjen e tyre. Falë angazhimit të Mihill Komanit, zyrtar i lartë në Qendrën Operative, është organizuar dhe koordinuar me sukses ardhja e ndihmës nga Zvicra. Në njoftimin publik, zjarrfikësit falënderojnë Jetmir Morinën, komunën e Thalwil dhe vullnetarët zviceranë për kontributin e tyre të çmuar. Ky donacion përbën një ndihmë të madhe për brigadën dhe një shembull të bashkëpunimit dhe solidaritetit ndërkombëtar mes institucioneve vendore dhe partnerëve nga Zvicra.