Donald Trump Jr. ka mbërritur në Banski Dvor, Banja Llukë, ku do të marrë pjesë në një panel diskutimi me biznesmenë dhe zyrtarë nga Republika Srpska, përfshirë presidentin e SNSD-së, Milorad Dodik. Rreth objektit është vendosur një perimetër sigurie prej 200 metrash, ndërsa forca të shumta policore, automjete të blinduara dhe snajperistë janë pozicionuar në qytet për të garantuar sigurinë. Në momentin e mbërritjes së Trump Jr. në Aeroportin Mahovljani, qarkullimi në autostradë është ndërprerë, duke shkaktuar kolona të mëdha. Gjithashtu, pritet që ai të vizitojë pronën e Milorad Dodik në Bakince, ndërsa vizita cilësohet si miqësore dhe është bërë me ftesën e Igor Dodik.