Parlamenti Europian publikoi draft-raportin vjetor për Shqipërinë, ku evidentohen përparimet në reformën në drejtësi dhe kuadrin antikorrupsion, por edhe sfidat e mëdha që mbeten për t’u adresuar. Reforma në drejtësi ka përmirësuar llogaridhënien dhe integritetin, por efikasiteti i gjyqësorit është ende i ulët për shkak të mbingarkesës së çështjeve dhe ndikimit të jashtëm. Raporti kërkon forcim të organeve të qeverisjes gjyqësore, duke theksuar nevojën për pavarësi, transparencë dhe investime në infrastrukturë dhe dixhitalizim. Korrupsioni, veçanërisht në nivelet e larta të qeverisjes, dhe krimi i organizuar mbeten sfida serioze, duke kërkuar bashkëpunim më të ngushtë me agjencitë europiane për hetime dhe ndjekje penale më efektive.