Bashkimi Demokratik për Integrim (BDI) ka denoncuar lidhjet e dyshimta mes Burim Latifit, ndërmarrjes shtetërore MEPSO dhe kompanisë “Elnos BL” nga Republika Srpska, e afërt me Millorad Dodikun. Sipas BDI-së, në të njëjtën ditë janë lidhur dy kontrata me këtë kompani, duke ngritur dyshime për mungesë transparence dhe mënyrën e menaxhimit të tenderëve. BDI kërkon që Latifi të publikojë vendimin fillestar që ka çuar në humbjen e një kontesti shumëmilionësh në dëm të shtetit, ndërsa thekson se heshtja e tij dhe mungesa e reflektimit për rolin e kompanive të tjera në konsorcium ngre dyshime për fshehje të të vërtetës. Prokuroria është thirrur të hetojë çdo detaj të këtyre kontratave, pasi bëhet fjalë për shuma që rëndojnë mbi qytetarët e Maqedonisë së Veriut.