Në bjeshkët e Koshares është zhvilluar një ecje përkujtimore dhe historike në nderim të heroit Agim Ramadani – Katana dhe të gjithë dëshmorëve që dhanë jetën për lirinë e vendit. Në këtë aktivitet mori pjesë kryetari i Komunës së Gjilanit, Alban Hyseni, së bashku me Klubin Alpin Gjilani dhe dashamirës të bjeshkatarisë. Hyseni theksoi se ecja në gjurmët e historisë së Kosovës rikthen në kujtesë betejën e lavdishme të Koshares dhe nderon sakrificën e dëshmorëve. Ai falënderoi të gjithë pjesëmarrësit për këtë iniciativë që thekson rëndësinë e qëndresës dhe sakrificës në ndërtimin e lirisë së vendit.