Ministri i Shëndetësisë, Azir Aliu, ka njoftuar se autoritetet shëndetësore në Maqedoninë e Veriut janë në gatishmëri për situatën e hantavirusit, i cili po shfaqet në disa vende të botës. Për herë të parë në vend është krijuar një strategji për menaxhimin e krizave në sistemin shëndetësor, e cila ka kaluar të gjitha procedurat administrative. Së fundmi, është formuar një grup ekspertësh nga institucione të ndryshme që po punon për hartimin e një plani veprimi në rast të përhapjes së virusit në vend. Ministri Aliu theksoi rëndësinë e këtij plani për të qenë të përgatitur nëse situata do të kërkojë ndërhyrje të menjëhershme.