Ndërtimi i autostradës Shkup-Bllacë, e cila është vetëm 12 km e gjatë, ka nisur që në vitin 2020, por ende nuk ka një datë të saktë për përfundimin e saj. Procedura e tenderimit për pjesën e dytë të kësaj autostrade ka përfunduar me sukses, ndërsa tani pritet përgjigjja përfundimtare nga Banka Evropiane për Rindërtim dhe Zhvillim (BERZH) për fillimin e punimeve në terren. Zëvendësministrja e Transportit të Maqedonisë së Veriut, Kaltrina Zekolli Shaqiri, ka deklaruar se të gjitha dokumentet janë dorëzuar dhe presin sinjal pozitiv nga BERZH për të nisur punimet. Njohësit e zhvillimeve rajonale theksojnë rëndësinë strategjike të këtij projekti, i cili lidh korridorin 8 dhe ka interes të përbashkët mes Maqedonisë së Veriut dhe Kosovës, duke u konsideruar një aks me rëndësi politike, ekonomike dhe rajonale.