Pas raportimeve për shpendë të ngordhur në Shkup, Agjencia e Ushqimit dhe Veterinarisë në bashkëpunim me ndërmarrjen komunale ka nisur testimet për virusin e Etheve të Nilit Perëndimor. Mostrat e para rezultuan të papërshtatshme për analizë, ndaj ekipi do të mbledhë mostra të reja në ditët në vijim. Deri tani, pesë persona kanë ndërruar jetë nga ky virus, ndërsa në Klinikën për Sëmundje Infektive trajtohen aktualisht 22 pacientë, prej të cilëve katër në gjendje kritike. Sipas Qendrës Evropiane për Parandalimin dhe Kontrollin e Sëmundjeve, numri më i madh i rasteve është regjistruar në disa vende evropiane, përfshirë Maqedoninë.