Komiteti për Punë të Jashtme i Parlamentit Evropian miratoi me 43 vota pro dhe 17 kundër raportin për Maqedoninë e Veriut, duke theksuar mbështetjen për integrimin evropian, por duke shprehur shqetësim për mungesën e progresit në reforma dhe luftën kundër korrupsionit. Eurodeputetët vunë në dukje polarizimin politik të thellë në vend dhe paralajmëruan për ndërhyrje të huaja dhe fushata dezinformimi që mund të dëmtojnë procesin eurointegrues. Në raport u miratuan 11 amendamente kompromisi, përfshirë dy kërkesa të eurodeputetëve bullgarë për rezultate konkrete nga Komisioni i Përbashkët Historik dhe zbatimin e protokolleve të marrëveshjes me Bullgarinë, ndërsa u bë thirrje për rifillimin e mbledhjeve të këtij komisioni. Raportuesi Thomas Waitz thekoi se e ardhmja e Maqedonisë së Veriut është në Bashkimin Evropian, ndërsa hapi i ardhshëm është votimi në seancën plenare të Parlamentit Evropian që pritet të mbahet deri në fund të muajit.