Ministria e Infrastrukturës ka nisur ndërhyrjet për sanimin e rrëshqitjes së dheut dhe dëmtimit të trupit të rrugës në segmentin Krushevë e Vogël, në rrugën rajonale R204 që lidh Klinën me Gurrakocin. Qëllimi i punimeve është rehabilitimi i këtij segmenti dhe eliminimi i rrezikut për banorët dhe drejtuesit e automjeteve që qarkullojnë në këtë zonë. Ministri në detyrë Dimal Bash ka bërë me dije se janë marrë të gjitha masat e nevojshme dhe punimet po zhvillohen me intensitet të lartë. Ai gjithashtu falënderoi qytetarët për kujdesin dhe mirëkuptimin gjatë kohës së ndërhyrjes, duke theksuar rëndësinë e rikthimit të sigurisë dhe qarkullimit normal në këtë aks rrugor.