Në komunën e Artanës ka nisur asfaltimi i Segmentit A të rrugës Lame–Kllokoq, me gjatësi prej 1.5 kilometrash, ndërsa ky punim pritet të përfundojë deri në fund të javës. Projekti përfshin rikonstruktimin e gjithsej 3.4 kilometrave të kësaj rruge, me një vlerë totale prej 687,811.53 eurosh. Ministria e Infrastrukturës dhe Transportit thekson se ky investim është pjesë e përpjekjeve për të përmirësuar infrastrukturën dhe për të siguruar një qarkullim më të sigurt për banorët. Ky asfaltim pritet të sjellë përmirësime të dukshme në rrjetin rrugor të komunës dhe të lehtësojë lëvizjen në këtë zonë.