Sot ka nisur rikonstruksioni i aeroportit “Shën Apostull Pali” në Ohër, në prani të kryeministrit Hristijan Mickoski, ministrit të Transportit Aleksandar Nikolloski dhe drejtorit të TAV Maqedoni, Nexhat Kurt. Ky është rikonstruksioni më i madh që nga ndërtimi i aeroportit në vitin 1952, ndërsa ndërhyrje më të vogla janë bërë vetëm gjatë modernizimit në vitin 2011. Projekti synon përmirësimin e kushteve për udhëtarët dhe rritjen e numrit të fluturimeve, duke e kthyer aeroportin në një pikë më të rëndësishme turistike dhe transportuese në rajon. Ministri Nikolloski theksoi se mungesa e legalizimit të plotë të objektit ka qenë një pengesë për zhvillimin e mëtejshëm, ndërsa tani pritet të tërhiqen linja të reja ajrore dhe të rritet atraktiviteti i Ohrit për vizitorët e huaj.