Maturantët serbë në veri të Mitrovicës organizuan defilën tradicionale të fundvitit shkollor, duke marshuar nëpër rrugët kryesore të qytetit me muzikë dhe ndezje flakadanësh. Gjatë festës, u vunë re një numër i madh flamujsh serbë, por edhe flamuri rus me ikonën e Jezu Krishtit, që tërhoqi vëmendjen dhe komentet e shumta. Tubimi u mbajt në Sheshin “Knez Lazar” dhe shërbeu si një manifestim i identitetit nacional dhe fetar të komunitetit serb në këtë pjesë të Kosovës. Kjo ngjarje tradiconale nxiti diskutime rreth simbolikës së përdorur dhe mesazheve që përcillen në një kontekst të ndjeshëm rajonal.