Në kryeqytet kanë mbërritur automjetet e reja që do t’i shtohen flotës së Policisë së Kosovës, duke synuar fuqizimin e kapaciteteve operacionale dhe përmirësimin e kushteve të punës së zyrtarëve në terren. Edhe pse janë publikuar pamje që tregojnë veturat e reja, Policia e Kosovës ende nuk ka dhënë detaje zyrtare për numrin e tyre, vlerën e investimit apo mënyrën e shpërndarjes në njësitë policore. Ky investim pritet të kontribuojë në rritjen e efikasitetit të punës së policisë dhe në përmirësimin e sigurisë publike në vend. Zhvillimet e mëtejshme dhe informacionet zyrtare priten të bëhen publike në ditët në vijim.