Pas përfundimit të muajit të Ramazanit dhe festës së Fitër Bajramit, është rritur ndjeshëm fluksi i qytetarëve dhe mjeteve që kalojnë në pikën kufitare të Morinës mes Kosovës dhe Shqipërisë. Në 24 orët e fundit, në këtë pikë janë regjistruar mbi 13 mijë qytetarë dhe rreth 9 mijë automjete, ndërsa vetëm në ditën e fundit kanë hyrë në Shqipëri mbi 3 mijë persona me më shumë se 900 mjete të vogla, pa përfshirë autobusët dhe motorët. Autoritetet kufitare po operojnë me procedurë të përshpejtuar dhe pa kontrolle të detajuara për automjetet me targa të Kosovës dhe Shqipërisë, duke shmangur pritjet e gjata dhe duke lehtësuar kalimin e qytetarëve. Gjithashtu, ka pasur lëvizje edhe në drejtim të kundërt nga Shqipëria drejt Kosovës, por me numër më të ulët udhëtarësh dhe mjeteve.