Fundjava e fundit shënoi një rritje të ndjeshme të trafikut në pikat kufitare të Maqedonisë së Veriut me Greqinë dhe Serbinë. Në pikën Bogorodicë, drejt Greqisë, pritjet për dalje nga vendi arritën deri në 45 minuta, ndërsa në Tabanoc, në kufirin me Serbinë, pritjet ishin deri në 30 minuta për hyrje dhe dalje. Lidhja Auto-Moto e Maqedonisë së Veriut njoftoi se trafiku jashtë zonave urbane është rritur ndjeshëm, dhe autoritetet paralajmërojnë që fluksi i shtuar mund të vazhdojë deri në fillim të shtatorit. Qytetarët këshillohen të informohen paraprakisht për gjendjen në kufi dhe të planifikojnë kohë shtesë për udhëtimet e tyre.