E diela e fundit e gushtit ka sjellë një fluks të jashtëzakonshëm automjetesh në rrugët kryesore të Qarkut të Lezhës, duke shkaktuar radhë kilometrike dhe paralizim të qarkullimit. Situata më kritike është në aksin Balldren–Milot, ku lëvizja është shumë e ngadaltë, si dhe në rrugën që lidh Shëngjinin me qytetin e Lezhës, ku automjetet kanë ngecur prej orësh. Për të menaxhuar këtë situatë, Policia Rrugore ka ngritur pika kontrolli dhe orientimi në zonat më problematike dhe po udhëzon drejtuesit drejt rrugëve alternative. Autoritetet bëjnë thirrje për durim, respektim të distancës së sigurisë dhe ndjekje të udhëzimeve të policisë për të shmangur bllokimet totale.