Në pikëkalimin kufitar Batrovci–Bajakovo mes Serbisë dhe Kroacisë janë krijuar kolona të gjata automjetesh për shkak të fluksit të madh të mërgimtarëve që po kthehen drejt vendeve të Evropës Perëndimore pas pushimeve verore. Autoritetet kanë paralajmëruar pritje të gjata dhe u kanë bërë thirrje udhëtarëve të tregojnë durim dhe të planifikojnë udhëtimin me kohë për të shmangur vonesat. Ky sezon veror sjell çdo vit ngarkesë të shtuar në këtë pikë kufitare, e cila është një nga më të frekuentuarat për mërgimtarët nga Kosova dhe Ballkani. Situata pritet të vazhdojë të jetë sfiduese për udhëtarët gjatë ditëve në vijim.