Kryetari i LSDM-së, Venco Filipçe, gjatë konferencës ndërkombëtare “Iniciativa e Shkupit” theksoi se Ballkani Perëndimor ndodhet në një moment vendimtar për integrimin në Bashkimin Evropian, por përballë këtij procesi janë forcat anti-evropiane më të organizuara se kurrë më parë. Ai paralajmëroi se nacionalizmi, populizmi, krimi i organizuar dhe ekstremizmi po veprojnë në mënyrë të koordinuar për të penguar rrugëtimin evropian të rajonit, duke theksuar bashkëpunimin e ngushtë ndërmjet krimit të organizuar dhe strukturave nacionaliste-populiste. Filipçe kritikoi hipokrizinë e atyre që kundërshtojnë integrimin evropian, ndërsa vetë sigurojnë të ardhmen personale në vendet anëtare të BE-së. Në përfundim, ai bëri thirrje për krijimin e një koalicioni të fuqishëm progresiv rajonal, duke theksuar se vetëm përmes unitetit dhe bashkëpunimit afatgjatë mund të mposhten sfidat që kërcënojnë perspektivën evropiane të Ballkanit.