Në Qendrën Ndërkombëtare të Trajnimit për Kërkim-Shpëtim u zhvillua një trajnim bazik për kërkim-shpëtim urban, ku morën pjesë Forca e Sigurisë së Kosovës dhe Ushtria e Republikës Federale të Gjermanisë. Ky aktivitet theksoi bashkëpunimin e vazhdueshëm mes dy forcave në ngritjen e kapaciteteve profesionale në fushën e kërkim-shpëtimit. Gjatë trajnimit, pjesëmarrësit zhvilluan aftësi në teknikat e kërkimit, procedurat e shpëtimit, punën ekipore, masat e sigurisë dhe koordinimin në skenarë fatkeqësish urbane. Pjesëmarrja e ushtrisë gjermane kontribuoi në shkëmbimin e përvojave dhe zhvillimin e standardeve të përbashkëta të trajnimit, duke forcuar ndërveprueshmërinë mes dy institucioneve.