Komuna e Fushë-Kosovës ka rritur kapacitetet për largimin e mbeturinave duke angazhuar katër kamionë çdo ditë në terren. Kjo masë emergjente synon përballimin e situatës së grumbullimit të mbeturinave dhe po çon procesin drejt fazës përfundimtare të zgjidhjes. Kryetari Valon Prebreza falënderon qytetarët për durimin dhe bashkëpunimin, duke theksuar rëndësinë e angazhimit të përbashkët për një ambient më të pastër dhe më të shëndetshëm. Aksionet e pastrimit do të vazhdojnë deri në largimin total të mbeturinave nga hapësirat publike të qytetit.