Kryetari i Kuvendit të Maqedonisë së Veriut, Afrim Gashi, udhëhoqi një delegacion shtetëror-kishtar në Vatikan me rastin e manifestimit për nder të Shën Kirilit. Gjatë audiencës me Papën Leo XIV, ai riafirmoi lidhjet historike dhe shpirtërore midis Maqedonisë së Veriut dhe Selisë së Shenjtë, duke theksuar rëndësinë e paqes, tolerancës dhe dialogut ndërfetar. Gashi vuri në dukje se vendi i tij mbetet një shembull i bashkëjetesës ndëretnike dhe multikulturore, me respekt të thellë për liritë fetare dhe rolin konstruktiv të bashkësive fetare në shoqëri. Në takimin me sekretarin shtetëror të Vatikanit, kardinalin Pjetro Parolin, u diskutua për avancimin e bashkëpunimit në fusha si kultura, arsimi dhe ruajtja e trashëgimisë kulturore dhe shpirtërore.