Një nga mediat më të mëdha zvicerane, 20 Minuten, ka nisur një reportazh të veçantë në Kosovë, duke ndjekur shqiptarët që jetojnë në Zvicër dhe rikthehen për pushime në vendlindje. Gazetaret Lynn dhe Carolin kanë udhëtuar nga Cyrihu drejt Prishtinës, ku janë përballur me reshje të dendura shiu dhe temperatura më të ulëta se zakonisht për sezonin veror. Gjatë rrugës drejt Gjilanit, ata kanë vërejtur automjete me targa zvicerane dhe kanë përjetuar vështirësi në qarkullim për shkak të grumbullimeve të ujit në rrugë. Reportazhi do të përfshijë takime me mërgimtarë, eksplorimin e jetës së natës dhe aktiviteteve verore, duke sjellë në fokus traditën e rikthimit të diasporës shqiptare në Kosovë çdo verë.