Pas publikimit të videove dhe fotografive që tregojnë prezencën e gjarpërinjve në Shkup, kryetari i Qytetit, Orce Gjorgjievski, reagoi duke theksuar se komunat kanë kryer dezinfektimin dhe dezinsektimin e nevojshëm. Ai sqaroi se disa nga materialet e shpërndara në rrjet janë të vjetra dhe nuk pasqyrojnë gjendjen aktuale. Gjorgjievski theksoi se situata përgjatë lumit Vardar është përmirësuar ndjeshëm krahasuar me verën e kaluar dhe se janë vendosur mjete për trajtimin e zvarranikëve në zonat ku lëvizin fëmijët. Ai bëri apel që komunat të publikojnë punën e tyre në mënyrë transparente për të qetësuar qytetarët dhe për të siguruar një ambient më të sigurt.