Ujësjellësi i Gostivarit ka njoftuar se nesër do të ketë ndërprerje të përkohshme të furnizimit me ujë në të gjithë qytetin, duke filluar nga ora 4:00 e mëngjesit. Kjo ndërprerje është e domosdoshme për shkak të riparimit të defekteve në tri pika të ndryshme të tubacioneve kryesore të rrjetit të ujësjellësit. Ndërprerja do të zgjasë deri në përfundimin e punimeve dhe sanimin e defekteve, ndërsa qytetarët janë falënderuar për durimin dhe mirëkuptimin. Kujtojmë se uji në Gostivar është rikthyer së fundmi si i pijshëm, pas ndotjes së burimit në fshatin Vrutok para një muaji.