Në Gostivar janë angazhuar tre cisterna me ujë të pijshëm, të cilat po shpërndahen për qytetarët në koordinim me Shtabin komunal për mbrojtje dhe shpëtim. Drejtori i Drejtorisë për mbrojtje dhe shpëtim, Stojançe Angellov, njoftoi se uji ende nuk është i përshtatshëm për pije pasi në disa mostra janë gjetur baktere nga Instituti për shëndet publik. Aktualisht uji lejohet vetëm për përdorim teknik, ndërsa po vazhdon procesi i hiperklorifikimit për ta bërë atë të sigurt për konsum. Deri në mbrëmje planifikohet që cisternat të dërgojnë ujë edhe dy herë të tjera, ndërsa situata monitorohet nga autoritetet lokale.