Punonjësit e doganës greke do të zhvillojnë një grevë të përkohshme në disa pika kufitare me Shqipërinë, duke bllokuar kalimin e automjeteve për disa orë. Konkretisht, nga ora 07:00 deri në 11:00 në Kakavijë dhe Tre Urat, dhe nga ora 05:00 deri në 09:00 në Kapshticë dhe Qafë Botë, lëvizja e automjeteve do të pezullohet. Gjatë kësaj periudhe do të lejohen vetëm kalimet e këmbësorëve pa bagazhe dhe rastet emergjente shëndetësore, si ambulancat. Policia Kufitare ka bërë apel që udhëtarët të shtyjnë udhëtimet drejt Greqisë për të shmangur grumbullimet dhe vështirësitë në pikat e kalimit kufitar.