Doganierët grekë kanë nisur një grevë që po shkakton vonesa të konsiderueshme në pikat kufitare Evzoni, Dojran dhe Niki, ku trafiku i mallrave është pezulluar dhe automjetet e pasagjerëve lejohen të kalojnë vetëm një herë në 10 minuta gjatë mëngjesit. Kjo situatë pritet të krijojë kolona të gjata dhe bllokime, sidomos në pikën Evzoni, e cila është më e frekuar nga turistët që udhëtojnë drejt Greqisë. Organizatat turistike kanë këshilluar shoferët të kontrollojnë gjendjen e pikave kufitare para nisjes dhe të planifikojnë kohë shtesë për udhëtimin e tyre. Edhe pas përfundimit të grevës, trafiku mund të mbetet i ngarkuar për pjesën tjetër të ditës për shkak të numrit të shtuar të automjeteve.