Ministri i Mbrojtjes, Ejup Maqedonci, së bashku me Ministren e Tregtisë dhe Industrisë dhe Ndërmarrësisë, Mimoza Kusari-Lila, zhvilluan takimin e parë ndërministror në këtë mandat, i cili shënoi një hap kyç drejt miratimit të Projektligjit për Industrinë e Mbrojtjes. Gjatë takimit u diskutuan koncepti, struktura dhe organizmat që synojnë transformimin dhe zhvillimin e qëndrueshëm të industrisë së mbrojtjes në vend. Ky ligj pritet të bëjë industrinë e mbrojtjes një motor të inovacionit dhe sigurisë kombëtare, duke nxitur bashkëpunimin ndërsektorial. Në ditët në vijim, grupi punues do të finalizojë koncept-dokumentin dhe do të hartojë draftligjin, duke avancuar kështu zhvillimin e mëtejshëm të industrisë së mbrojtjes.