Bashkimi Demokratik për Integrim (BDI) ka reaguar ashpër ndaj heshtjes së Burim Latifit, i cili edhe pas tre ditësh nuk ka dhënë asnjë sqarim publik për dëmin prej rreth 6 milionë eurosh që i ka shkaktuar shtetit. BDI kërkon transparencë dhe llogaridhënie, duke theksuar se mungesa e përgjigjeve cenon besimin e qytetarëve në institucionet shtetërore dhe rrit dyshimet për menaxhim të dyshimtë të mjeteve publike. Partia kërkon shpjegime për prishjen e kontratës me kompaninë e parë dhe lidhjen e një kontrate të re me një kompani nga Banja Luka, për të cilën ekzistojnë dyshime për lidhje me struktura politike të Republikës Serpska dhe Millorad Dodikun. BDI fton prokurorinë dhe Komisionin Shtetëror për Parandalimin e Korrupsionit të hetojnë rastin dhe thekson se përgjegjësia duhet të sqarohet pa vonesë për të ruajtur besimin e publikut.