Kryeministri i Maqedonisë së Veriut, Hristijan Mickoski, deklaroi se nuk ka frikë nga hetimi i nisur në Hungari për kredinë prej një miliard eurosh, duke theksuar se fondet janë shpenzuar në mënyrë transparente dhe se kjo është një çështje e brendshme e Hungarisë. Hetimi, i nisur nga Ministria e Ekonomisë dhe Energjisë hungareze, fokusohet në dyshimet për abuzim me detyrën dhe keqmenaxhim në "Eximbank", institucion në pronësi të shtetit, dhe përfshin dokumente të sekuestruara nga ministria e brendshme. Mickoski vlerësoi partneritetin strategjik me Hungarinë, duke e falënderuar për ndihmën në periudhën kur vendi po përballej me vështirësi financiare për shkak të borxheve të qeverisë së mëparshme. Autoritetet hungareze vazhdojnë hetimet për të sqaruar parregullsitë e dyshuara lidhur me këtë kredi të rëndësishme për Maqedoninë e Veriut.