Këshilli Europian po zhvillon një samit dyditor në Bruksel, ku në agjendë është edhe Ballkani Perëndimor si pika e 13-të për diskutim. Presidenti i Këshillit Europian, Antonio Costa, theksoi se ka një hov të ri dhe ripërtëritur në procesin e zgjerimit, duke përmendur samitin e fundit BE-Ballkani Perëndimor në Mal të Zi. Në fokus të takimit është edhe mbështetja për Ukrainën, e cila ka shfaqur suksese në fushëbetejë, ndërsa Rusia po dështon në objektivat e saj ushtarake dhe strategjike. Udhëheqësit e BE-së ranë dakord për rinovimin e sanksioneve ndaj Rusisë për një vit të plotë, duke dërguar një sinjal të fortë uniteti dhe duke përgatitur hapjen e kapitujve të parë të negociatave të anëtarësimit me Ukrainën dhe Moldavinë.