Ish-presidenti i Shqipërisë, Ilir Meta, i është drejtuar sërish Gjykatës së Posaçme me kërkesën për zëvendësimin e masës së sigurisë “arrest me burg” me një masë më të butë. Kjo kërkesë vjen vetëm pak ditë pasi ka nisur shqyrtimi në themel i dosjes penale në ngarkim të tij, ku ai përballet me akuza për korrupsion, pastrim parash dhe fshehje pasurie. Gjyqtarja Etleva Deda pritet të përcaktojë datën dhe orën e shqyrtimit të kësaj kërkese, ndërsa çështja do të kalojë për vlerësim në ditët në vijim. Meta mbahet në burg që prej tetorit 2024 dhe kërkon që masa e sigurisë të rishikohet për të lehtësuar kushtet e qëndrimit të tij në paraburgim.