Ministri i Shëndetësisë Sasho Klekovski dhe kryetari i Komunës së Tetovës Bilall Kasami prezantuan planin për një investim prej 74 milionë eurosh në rikonstruksionin dhe modernizimin e Spitalit të Tetovës. Projekti përfshin ndërtimin e pavijoneve të reja, pajisjen me teknologji bashkëkohore dhe përmirësimin e kushteve për pacientët dhe stafin mjekësor. Ky investim do të ndikojë drejtpërdrejt në 251,500 banorët e rajonit të Pollogut, duke zvogëluar pritjet dhe referimet drejt Shkupit. Aktualisht po përgatiten studimet dhe dokumentacioni teknik, ndërsa modeli i financimit do të përcaktohet pas analizave të mëtejshme.