Kryeministri Edi Rama ka folur për investimin në Zvërnec në një intervistë për median britanike “Channel 4 News”, duke theksuar se projekti nuk synon të shkatërrojë zonën, por ta rigjenerojë atë. Ai ka sqaruar se janë angazhuar arkitektë dhe projektues peizazhi me përvojë në zona ligatinore dhe po kryhet një vlerësim i pavarur i ndikimit në mjedis. Rama ka theksuar se është absurde të mendohet se Shqipëria mund të ecë përpara me projekte që nuk përputhen me standardet europiane, duke lidhur këtë me procesin e negociatave për anëtarësim në Bashkimin Europian. Ai gjithashtu ka komentuar shqetësimet e Komisionit Europian dhe protestat e fundit, duke i cilësuar këto si shenja të zhvillimit dhe reflektimi për të ardhmen.