VLEN ka nisur përgatitjet për realizimin e një investimi historik prej 74 milionë euro në Spitalin klinik të Tetovës, duke shënuar projektin më të madh në historinë e këtij institucioni shëndetësor. Ky investim është një dëshmi e angazhimit të VLEN për politika konkrete dhe jo vetëm fjalë boshe, duke synuar përmirësimin e cilësisë dhe efikasitetit të shërbimeve shëndetësore për qytetarët e Tetovës dhe rajonit të Pollogut. Me këtë projekt, qytetarët nuk do të jenë më të detyruar të kërkojnë trajtim jashtë vendit, ndërsa spitali do të hyjë në një fazë të re zhvillimi pas dekadash stagnimi dhe neglizhence. Përmes këtij investimi strategjik, VLEN synon të ndërtojë institucione që shërbejnë drejtpërdrejt nevojave të qytetarëve dhe të sigurojë një të ardhme më të mirë për komunitetin lokal.