Komuna e Istogut ka bërë apel urgjent për të gjithë fermerët, auto-kombajnerët dhe aktorët e përfshirë në procesin e korrje-shirjeve që të respektojnë masat strikte për parandalimin e zjarreve gjatë sezonit. Mes masave të rekomanduara janë pajisja e makinave me aparate zjarrfikëse, pastrimi i filtrave, servisimi në vende të sigurta jashtë fushave të mbjella, si dhe krijimi i shirita ndarës për të kufizuar përhapjen e zjarrit. Komuna ndalon rreptësisht pirjen e duhanit dhe përdorimin e flakës së hapur pranë parcelave bujqësore gjatë punimeve. Në rast emergjence, fermerët mund të kontaktojnë numrat e shërbimeve emergjente për ndihmë të menjëhershme.