Zëvendëskryeministri dhe ministri i Jashtëm i Italisë, Antonio Tajani, ka bërë të ditur se Italia do të mbështesë fuqishëm procesin e anëtarësimit të vendeve të Ballkanit Perëndimor në Bashkimin Evropian. Në takimin e “Grupit të Miqve të Ballkanit Perëndimor” në Romë, ku morën pjesë përfaqësues nga vendet e rajonit dhe disa vende evropiane, u miratua “Karta e Romës”, një dokument politik që do t’i paraqitet Brukselit për përshpejtimin e zgjerimit të BE-së. Ky dokument parashikon barazinë e shteteve anëtare pas anëtarësimit, heqjen e kushteve të reja dhe përcaktimin e një kuadri të përbashkët të përshtatur për secilin vend kandidat. Tajani theksoi se Italia synon të udhëheqë këtë proces me një vizion strategjik, duke forcuar bashkëpunimin në fushat e politikës së jashtme, sigurisë, infrastrukturës dhe energjetikës, ndërsa disa vende si Mali i Zi dhe Shqipëria janë gati për anëtarësim.