Ministri i Punëve të Brendshme të Serbisë, Ivica Daçiq, është shtruar urgjentisht në Qendrën Klinike në Beograd për shkak të një pneumonie të rëndë që prek të dy mushkëritë. Ai ndodhet në njësinë e kujdesit intensiv dhe është i lidhur me aparate për frymëmarrje, duke u mbajtur në ventilim mekanik. Mjekët kanë theksuar se 72 orët e ardhshme janë kyçe për stabilizimin e gjendjes së tij, ndërsa është ende shumë herët për një parashikim të saktë. Partia që ai udhëheq, SPS, ka shprehur besimin në forcën e tij dhe mirënjohjen për stafin mjekësor që po lufton për jetën e tij.