Në fshatin Gjocaj të Komunës së Junikut është përuruar Ballkoni Panoramik, një investim i ri që synon të pasurojë ofertën turistike të zonës. Ky projekt është pjesë e iniciativës “Mirdita Junik”, e cila promovon bashkëpunimin ndërkufitar mes Kosovës dhe Shqipërisë, duke lidhur vlerat natyrore, kulturore dhe turistike të dy rajoneve. Kryetari i komunës, Ruzhdi Shehu, falënderoi Bashkimin Evropian dhe partnerët lokalë për mbështetjen dhe bashkëpunimin në zhvillimin e turizmit të qëndrueshëm. Në të njëjtën kohë, në Junik u hap edhe edicioni i tretë i Festivalit “Kah Drita”, duke theksuar rëndësinë e promovimit të kulturës dhe turizmit në këtë zonë.