Komuna e Junikut ka ndërmarrë një hap të rëndësishëm për menaxhimin e mbeturinave duke vendosur stikera njoftues në kontejnerët e hedhjes së mbeturinave dhe duke shpërndarë udhëzues për përdorimin e duhur të shportave dhe komposterëve. Ky projekt realizohet në bashkëpunim me GIZ dhe organizatën CEDDE, duke iu përgjigjur kërkesave të banorëve të lagjes Agim Ramadani. Qëllimi kryesor është të lehtësohet identifikimi dhe përdorimi i drejtë i pajisjeve për ndarjen e mbeturinave, si dhe të rritet ndërgjegjësimi për ruajtjen e pastërtisë dhe mbrojtjen e mjedisit. Komuna thekson se një mjedis më i pastër dhe më i shëndetshëm fillon me kontributin e secilit qytetar për të mbajtur Junikun të pastër.