Një delegacion i kadetëve nga Qendra për Studime Universitare e Forcës së Sigurisë së Kosovës mori pjesë në Javën Ndërkombëtare të Kadetëve, që u zhvillua në Akademinë Ushtarake në Dresden të Gjermanisë. Ky aktivitet u organizua në kuadër të bashkëpunimit dypalësh dhe synon forcimin e marrëdhënieve ushtarake ndërkombëtare. Gjatë qëndrimit, kadetët shkëmbyen përvoja me homologë nga vende aleate dhe u njohën me metodat bashkëkohore të trajnimit, doktrinës dhe udhëheqjes ushtarake. Forca e Sigurisë së Kosovës vlerëson se pjesëmarrja në këtë aktivitet ndërkombëtar ndihmon në zhvillimin e diplomacisë mbrojtëse dhe ngritjen e kapaciteteve profesionale sipas standardeve të NATO-s.