Për herë të parë në historinë e Qendrës për Studime Universitare të Forcës së Sigurisë së Kosovës, një kadet ka nisur studimet semestrale në Universitetin Norwich në Shtetet e Bashkuara të Amerikës. Kjo arritje realizohet me bursë dhe përfaqëson një moment të rëndësishëm për avancimin e edukimit ushtarak dhe akademik të kadetëve të FSK-së. Suksesi i këtij kadeti dëshmon nivelin e lartë akademik, profesional dhe ushtarak që arrijnë studentët e QSU-së, duke i bërë ata konkurrues në arenën ndërkombëtare. FSK-ja e konsideron këtë mundësi si një investim në gjeneratën e ardhshme të oficerëve dhe një dëshmi të potencialit për të përfaqësuar Kosovën në institucionet më prestigjioze akademike dhe ushtarake botërore.