Qindra persona nga fshatrat përreth Kakomesë, përfshirë emigrantë nga Greqia dhe qytete të tjera të Shqipërisë, u bashkuan në një protestë masive në Gjirin e Kakomesë. Ata rrëzuan rrethimin dhe kabinat që kishin bllokuar këtë zonë bregdetare prej 22 vitesh, duke shprehur se kanë çliruar hapësirën. Ngjarja u zhvillua në hyrje të plazhit, një prej gjireve më të bukur në jug të vendit, dhe u shoqërua nga një prani paqësore e policisë. Forcat e rendit nuk ndërhynë me dhunë, por u kujdesën që rruga nacionale Sarandë-Himarë të mbetej e lirë për qarkullim.