Në dhjetë qytete dhe komuna të Serbisë u mbajtën zgjedhjet lokale për përbërjen e qeverisjeve për katër vitet e ardhshme, ku morën pjesë rreth 50 lista zgjedhore nga partitë në pushtet dhe opozita. Procesi zgjedhor u shoqërua me tensione të mëdha, përplasje dhe incidente, duke përfshirë sulme ndaj studentëve dhe pretendime për parregullsi në disa zona, sidomos në Kula dhe Bor. Raportohet se dhjetëra persona të maskuar sulmuan qytetarë dhe studentë pranë qendrave të votimit, ndërsa policia ndërhyri për të qetësuar situatën. Zgjedhjet po konsiderohen si një test i rëndësishëm për pushtetin e SNS-së të presidentit Aleksandar Vuçiq, ndërsa opozita përpiqet të përfitojë nga pakënaqësia qytetare dhe protestat studentore pas një aksidenti tragjik në Novi Sad.