Rrjeti i organizatave qeveritare AVONET ka shprehur shqetësim për mungesën e ditarëve shkollorë në shkollat e Kosovës, edhe katër ditë pas fillimit të vitit të ri shkollor. Ditari shkollor konsiderohet një mjet thelbësor për evidentimin dhe administrimin e procesit mësimor, dhe mungesa e tij tregon dështim në planifikimin dhe koordinimin institucional nga Ministria e Arsimit, Shkencës, Teknologjisë dhe Inovacionit (MAShTI). AVONET kërkon sqarime urgjente për arsyet e vonesës, masat që do të ndërmerren për furnizimin e shkollave dhe përgjegjësinë institucionale për këtë situatë. Organizata thekson se nxënësit, prindërit dhe mësimdhënësit meritojnë institucione të përgjegjshme dhe të organizuara që të përmbushin detyrimet në kohë, duke mos e trajtuar mungesën e ditarëve si një çështje të parëndësishme.