Në Athinë u zhvillua takimi i katërt ministror për energjetikë dhe ndërlidhje në Evropën Juglindore, ku përfaqësuesit e Greqisë, Serbisë, Maqedonisë së Veriut dhe Bullgarisë ranë dakord për zgjerimin e Korridorit Vertikal drejt Ballkanit Perëndimor. Diskutimet u fokusuan në sfidat e sigurisë energjetike në nivel evropian dhe rajonal, si dhe në forcimin e bashkëpunimit dhe ndërlidhjeve energjetike mes vendeve. Ministria greke e Mjedisit dhe Energjetikës theksoi nevojën për përshpejtimin e projekteve strategjike të infrastrukturës energjetike dhe institucionalizimin e bashkëpunimit ndërmjet katër vendeve. Takimi i ardhshëm është planifikuar të mbahet në Beograd në shtator, ndërsa pjesëmarrësit shprehen optimistë se energjia do të shërbejë si një forcë lidhëse dhe përparimi për rajonin.