Aleksandar Sasha Dimitrijeviq, Sekretar i Përgjithshëm i LSDM-së, ka denoncuar një situatë alarmante ekologjike pranë burimit të ujit në Rashçe, nga i cili furnizohet Shkupi dhe 25% e qytetarëve të Maqedonisë. Ai ka theksuar se në këtë zonë të mbrojtur po digjet një deponi ilegale, duke rrezikuar seriozisht cilësinë e ujit të pijshëm. Dimitrijeviq ka kritikuar ashpër qeverinë e Mickoskit dhe kryetarin e Qytetit Orce Gjorgjievski për mosreagim, duke e cilësuar situatën si një katastrofë ekologjike dhe kaos total. Fotografitë e publikuara tregojnë gjendjen e rëndë në terren, ndërsa shqetësimi për ndikimin në shëndetin publik dhe mjedisin rritet dita-ditës.