Forcat e Armatosura Zvicerane, në kuadër të KFOR-it dhe në bashkëpunim me Komandën Rajonale Lindje, kanë ndërtuar një portë të re për Manastirin e Bërnjakut në Zubin Potok. Qëllimi i kësaj ndërtese është mbrojtja e manastirit dhe tokave të tij bujqësore nga depërtimi i kafshëve të egra, duke siguruar funksionimin e përditshëm dhe qëndrueshmërinë afatgjatë të këtij objekti të rëndësishëm. Ceremonia e dorëzimit u zhvillua me pjesëmarrjen e përfaqësuesve të manastirit, ushtarëve dhe inxhinierëve zviceranë, duke dëshmuar angazhimin e KFOR-it për bashkëpunim dhe forcimin e marrëdhënieve me komunitetin lokal. KFOR-i thekson se vazhdon të zbatojë mandatin e tij sipas Rezolutës 1244 të OKB-së, duke punuar ngushtë me Policinë e Kosovës dhe EULEX-in për të garantuar sigurinë dhe lirinë e lëvizjes në Kosovë.